Argazkiaren iturria |
Hona
hemen gure Lur planetaren bilakaera 34 urtetan zehar, gaur eguneraino.
Ikaragarria da zer nolako aldaketa izan duen denbora tarte txiki horretan.
"El Universal" agentziaren arabera, 2012ko otsailaren 2an argitaratu bezala, (NASA)-k,
Estatu Batuetako agentzi espazialak, Lurraren ekialdeko hemisferioa bereizmen
handian argitaratu zuen. Lurraren erretratu hau, bere gainazaletik 12.742
km-tara aterata dago. Baloi bat Lurra irudikatzen duela pentsatuz gero, eta
gure aurpegitik 8 zentimetrotara jartzen badugu, argazkia hartu duen satelitea
ageri den distantziaren berdina izango da.
Bilakaera honen
arrazoirik nagusia, gizakiak beregain sortzen duen kutsaduraren ondoriozkoa
izan da, besteak beste. Izan ere, bi argazkiak hemisferio beretik hartuak izan
dira eta alderaketa eginez, ikus daiteke nola 1978. urtean berdegune gehiago
zeudela, 2012. urtean baino. Antza denez, naturako esparru berde horiek,
basamortuengatik ordezkatuak izaten ari direla. Egia da, bestelako hainbat
faktore ere badaudela Lur planetaren ezaugarri fisikoetan eragina dutenak. Hots;
gainazaleko erosioa, prozesu horien emaitzak eta denboraren igarotzeak dira
horietako batzuk. Hala eta guztiz ere, gizakia da zalantzarik gabe eragin
kaskarrenak sortzen dituenak. 2008an argitaraturiko blog bateko sarrera batean
irakurri bezala, mundu mailan kutsaduraren inguruan egindako ikerketa batek
dioenez, Lurraren 9 milioi hektarea hondaturik ageri dira. Hektarea hauek
guztiak, ia euren funtzio biologiko guztia galdu dute, eta ziur aski ez dutela
euren guztizko produktibitatea berriz bereganatuko. Honako hau, ordea, ez da
bakarrik herrialde bakar batean ematen, lehen aipatu bezala mundu mailan ematen
da. Gainera, modu kaltegarrian erosionaturiko lurren %65-a, Afrikan eta Asian
daude.
Goiko irudiak aurkezten
duen moduan, gaur egun ia ez dira berde gunerik agertzen, hori gehiegizko
populazioaren eraginez ematen baita. Izan ere, azalera batean
pertsona gehiago sartzen ez badira, geruza begetala dagoen gunea hartu ohi
da zibilizazio esparrua handitzeko. Aurkeztuko dizuedan hurrengo bideoaz baliatuz, Lur
planetak denbora honetan zehar izan duen aldaketa zuen kontura antzemateko
aukera izango duzue.
Bideoaren iturria.
Nahiz eta, hau kutsaduraren alde txarra ikustarazten duen, ez dugu albo batera utzi behar oraindik mantentzen diren bestelako paisaia zoragarriak. Are gehiago, hauek babesteko eta zaintzeko jarrera kritikoa eta ekimena bultzatu beharko genuke. Hori da hain zuzen, Lehen Hezkuntzako ikasleengan sustatu behar den ingurunearen babeserako ideia, hurrengo belaunaldiek ingurumena gaur egun den bezalakoa ezagutu eta disfrutatu dezaten. Aldi berean, gizarte bateko kide gisa, gure beharrak ingurunera moldatzen ere ikas dezagun. Horrela, bizikidetza eta elkar-lana bermatu daitezke, baliabide naturalen iraupena ahalbidetzen delarik.
Mexikoko "El Universal" aldizkarian, Lur planetaren inguruko bestelako berri interesgarriak topatu izan ditut, zeinak eskura uzten dizkizuedan, Lur planetaren informazio osagarria eskuratu nahi izanez gero.
No hay comentarios:
Publicar un comentario